മിസ്സിസ് ഷെര്‍ലക് ഹോംസ് എന്ന ചെറുകഥാ സമാഹാരം കഥപറയുന്ന രീതിയുടെ കാര്യത്തില്‍ മുന്‍കാല രചനകളില്‍നിന്ന് അല്പം വഴിവിട്ടു നടക്കുകയാണ്. മധ്യവര്‍ഗമലയാളികളെയാണ് ഈ സമാഹാരത്തില്‍ അഭിസംബോധന ചെയ്യുന്നത്. നിമിഷാര്‍ധങ്ങളില്‍ ഒതുക്കാവുന്ന സംഭവങ്ങളെ ലളിതവാക്യങ്ങളില്‍ ഒപ്പിയെടുക്കുകയാണ് ഇവിടെ. കഥയുടെ എണ്ണം പതിനഞ്ച്; പ്രായം പതിനാറ്. മധ്യവര്‍ഗ മലയാളിയുടെ വൈയക്തികതയുടെ രുചിഭേദങ്ങളാണ് ഓരോ കഥയിലും കാണുന്നത്.
-ഡോ. പി.എം. ഗിരീഷ്

ഫാസിസവും വര്‍ഗീയതയും അതിന്റെ പൂച്ചനടത്തം തുടരുകയും മനുഷ്യരുടെ നിഴലുകളില്‍പ്പോലും നഖങ്ങള്‍ കോര്‍ക്കുകയും ചെയ്യുന്ന ഒരു കാലത്തിരുന്ന് രചന നടത്തുന്ന എഴുത്തുകാരന്റെ കഥകള്‍.

വി.എച്ച്. നിഷാദിന്റെ ഏറ്റവും പുതിയ സമാഹാരം