സ്വന്തമായി ഒരു അടുക്കളത്തോട്ടമെങ്കിലും വെച്ചുപിടിപ്പിക്കാന്‍ ആഗ്രഹിക്കാത്ത മലയാളികളില്ല. കൃഷി ഒരു വലിയ ആദായമാര്‍ഗമായി വികസിച്ചുകഴിഞ്ഞ ഇക്കാലത്ത് ഈ രംഗത്തേക്കു കടന്നുവരുന്നവര്‍ വളരെയധികമുണ്ട്. അവര്‍ക്ക്, ഈ മേഖലയില്‍ വിജയംവരിച്ചവരുടെ അധ്വാനത്തിന്റെയും വീഴ്ചകളുടെയും പിന്നീടുള്ള മഹത്തായ വിജയത്തിന്റെയും ചൂടേറിയ അനുഭവങ്ങള്‍ വഴിവിളക്കായിരിക്കും. ഇരുപതു വര്‍ഷങ്ങളിലായി പടര്‍ന്നുകിടക്കുന്ന, കേരളത്തിലെ കാര്‍ഷിക വിജയഗാഥകളുടെ സമഗ്രശേഖരണമാണ് ഈ പുസ്തകം. കര്‍ഷകര്‍ക്കും കൃഷിയെ സ്‌നേഹിക്കുന്നവര്‍ക്കും അസാധാരണമായ ഒരു വഴികാട്ടി. ഇരുപത് വര്‍ഷമായി കേരളം കണ്ട ഏറ്റവും മികച്ച കര്‍ഷകര്‍ അവരുടെ അധ്വാനത്തിന്റെയും വിജയത്തിന്റെയും വഴികള്‍ വിശദീകരിക്കുന്നു.