പുരാണങ്ങള്‍ പതിനെട്ട്. അതില്‍ എട്ടാമത്തേത്-മാര്‍ക്കണ്ഡേയപുരാണം. മഹാഭാരതത്തില്‍ ശ്രീമദ് ഭഗവദ്ഗീതയ്ക്കുള്ള സ്ഥാനമാണ് മാര്‍ക്കണ്ഡേയപുരാണത്തില്‍ ദേവീമാഹാത്മ്യത്തിനുള്ളത്. ഇതിലെ ശ്ലോകങ്ങളെല്ലാം തന്നെ മന്ത്രങ്ങളാണ്. അതിനാല്‍ ദേവീമാഹാത്മ്യം ഒരു മന്ത്രമാല തന്നെയാണ്.
സംസ്‌കൃതഭാഷയിലെ മന്ത്രമാലാ ഗ്രന്ഥമായ ദേവീമാഹാത്മ്യം അത്ര പെട്ടെന്നു സാധാരണക്കാര്‍ക്കു മനസ്സിലാവുകയില്ല. മഹാമായയുടെ അമാനുഷപ്രഭാവത്തെ കൊച്ചുകൊച്ചു വാക്യങ്ങളിലൂടെ-ലളിതമായ വാക്കുകളിലൂടെ-മലയാള പരിഭാഷ സഹിതം ആചാര്യ ശ്രീ എന്‍.ആര്‍. ശാസ്ത്രി അവതരിപ്പിച്ചിരിക്കുന്നു. ഭാഷയുടെ കട്ടിയുള്ള പുറന്തോടു പൊട്ടിച്ച് അകത്തുചെല്ലുമ്പോള്‍ ഇളനീരുപോലെ മാധുര്യം നിറഞ്ഞതായി നിങ്ങള്‍ക്കത് അനുഭവപ്പെടും. തീര്‍ച്ച.